好啦！就簡呢間啦
但系望下個餐牌，哇！甘貴既！
身為學生黨既我平時食個lunch都系20文，呢度！唉
超出我預算啦
。但正當我想走既時候，咦！竟然比我見到學生餐個餐牌！哇！竟然37文！呢個價錢，我仲可以接受，於是就叫左個學生餐！ 學生餐包括2個生煎包，1碗咖哩牛肉粉絲，1杯豆漿。
先講下個包，個包真系勁多汁，直情爆汁，一咬落去bill噻d汁出黎，可能我食法有d唔正宗，所以先爆噻d汁。總之一句講噻，勁狼狽
！個包除左多汁之外，肉質都好軟滑，包皮都好薄，但系2個包，真系唔夠喉！
好喇！講完包，就講個粉絲。個粉絲第一啖吃落去完全冇咖哩味，系食果時你要比d想像力，想像你吃緊果個系咖哩湯既粉絲咯
！d粉絲冇煮糊，都算ok啦。另外，個牛肉都煮得好軟，一咬就散，呢個系唯一一個最值得欣既地方！
最後就系杯豆漿，
竟然有驚喜！
距唔系出邊果d「溝水豆漿」，入口既感覺唔水，質感都幾厚，有少少奶既味道，但吾系好濃郁既豆漿味，但整體黎講，豆漿都有驚喜！
總括黎講，37文食到呢一餐我覺得都值既！:)有機會，會再食！
