每款食物都可以選擇大份或細份，主要係食牛，但如果唔食牛肉既都有豬肉同雞肉揀，不過款式選擇相對較小。
沙律菜、飯、湯都係可以無限添加，必定可以食得飽，我自己食左好多蔬菜，因為沙律既胡麻醬好食，而且可以解一解牛肉既油膩感。
日本A5和牛肉眼蓋($278/200g)，總共有2碟牛，每碟有8片，牛肉呈鮮嫩粉紅色，油脂分佈均勻，放上石燒一燒好快熟，放入口即刻滿口油份，油脂既香味真係無得頂，和牛果然非同凡響，一分錢一分貨，哩款牛肉必定要食，點埋個牛肉汁味道更加夾。
澳洲M6和牛小排($298/300g)，份量確實好大件，岩晒食肉獸人士，牛排表面熟，內裏呈鮮紅色，估計係煮至7成熟才送到客人，如果想熟d可以切開係石上再燒一燒，哩款牛肉身較結實，但牛味較重。
