嚟呢度就係為咗海鮮大咖，每日有六款海鮮，隨着季節或者產量而定，日日都唔同，今日有鮑魚、魷魚筒、大蝦、螃蟹、帶子、花甲。
所有海鮮其實都係處理咗先至上枱，所以湯一滾其實就要拎起以防太熟。
整體都非常新鮮，鮑魚同蟹等都係大大隻，而且全部份量都好足，食極都仲有，仲好似越食越多哈哈。
我最鍾意係魷魚筒，真係好先鮮甜同爽脆，出面好少食到好味嘅魷魚筒。花甲有少少沙，同埋太細隻冇咩肉食😭 帶子煮得過熟，所以唔算太好味，要小心處理。
螃蟹係出奇地有蟹膏，好驚喜呀！
我哋仲比$68升級左，可以任食火鍋配料、仲有啤酒同埋其他嘢飲，飲品勁多款！
粉紅色同黃色嗰罐韓國嘢，超！好！味！
後來發覺其實食海鮮已經夠飽，不過佢啲火鍋配料其實都幾吸引，丸類、菜、麵全部都齊啦又多款，同埋有啲中國嘅特色配料，好似麵根等，出面比較少食到。最緊要係佢嘅飲品好好飲，而且啤酒任叫其實都幾抵！
