樂天皇朝 (雅蘭中心)

Open Now

Now Closed

今日行開旺角買動漫，咁就有朋友就想試下呢間樂天皇朝，因為其實呢間嘢都開咗都好耐下，但係自己又未試過，咁啱自己都鍾意食小籠包，咁就入咗去試下，入到去個裝修我覺得都幾有氣派，同埋啲裝修都唔錯，而且入到去都多人，感覺良好。 而我就叫咗以下:招牌原味小籠包： 我覺得呢間嘅小籠包幾好食，因為之前食過嗰啲比較有名食小籠包嘅餐廳，呢家越整越垃圾，但呢間佢個皮都幾漙，而且啲豬肉都幾有味，最重要就係入面有少少湯，所以我覺得個小籠包係包得幾好。香辣水煮魚（小辣）:呢一條魚我覺得一上碟嘅時候 ，睇落都好似幾多料同辣，此餸有我最鍾意食嘅芽菜， 因為我嗌咗少辣，所以都唔算太辣，魚亦非常嫩滑食，魚肉中有魚味， 魚亦切得適中， 魚肉滑易入口 ，湯易唔算太咸， 建議叫個飯餸條魚嚟食， 最後我食埋個飯，飲左小小湯。 因為本人真係好鍾意食水煮魚。 大家可以睇我嗰啲相知道入面有咩料。最後我同朋友食埋個薑茶湯圓就閃人， 因為食完啲辣嘢所以一定要食少少甜品去平衡返 ，而且佢個湯圓我覺得整得煙煙靭靭，個湯亦都幾好飲。 最後如果大家鍾意食小籠包或者水煮魚，大家可以試下呢間。 因為個質素，我覺得真係唔錯。