餐廳木系設計 吧枱中間有個特大銅鍋 時令食材沾上炸漿 主廚就係銅鍋中炸天婦羅 天婦羅再配以松露鹽、綠茶鹽、海藻鹽、辣椒鹽、檸檬或天婦羅汁進食 每款天婦羅都用心製作 發揮日本匠人精神👨🏻🍳
🔸吞拿魚醬油漬🐟
先來刺身 呑拿魚用醬油漬過 味道依然好鮮甜 質感軟嫩
🔸花竹蝦🦐
蝦頭同蝦身分開炸 粉漿厚薄恰到好處 炸到表面金黃色 店員建議點上海澡鹽食 蝦頭酥脆 蝦身爽口彈牙 十分新鮮
🔸高麗人蔘
無諗過人蔘都可以做成天婦羅😳 好驚喜好特別 有少少人蔘嘅甘香 食落質感有少少似食准山咁 蔘鬚好幼細都可以沾上好薄嘅粉漿 配搭天婦羅汁和蘿蔔蓉 以平衡油膩感
🔸北海道白子
又一樣意想不到 白子做成天婦羅 外脆內嫩 質感順滑 滴少少青檸汁🍋🟩更顯白子的甜味
🔸京蔥
炸過的京蔥分開兩件 一件有麵豉加木魚絲
另一件可以點天婦羅汁食 京蔥仲保持住鮮嫩
🔸茄子 🍆
茄子配搭凍薑味高湯 木魚絲 茄子吸收晒高湯的精華 微薑味食起來更加清爽
🔸沙錐魚🐟
沙錐魚都好厚肉 肉質比較結實 魚骨都炸成天婦羅 好似食零食咁脆卜卜 😆
🔸海苔茶碗蒸
🔸青森三文魚籽
經醬油漬的三文魚籽味道鹹香鮮甜 配底下酥脆的天婦羅紫菜 一啖滿足🥰
🔸海鰻
海鰻肉質軟嫩細緻 海鰻條魚骨比起沙錐魚嘅魚骨更加幼長 配搭奈良杮子 柿子清甜多汁 估唔到水果天婦羅可以咁好食😍
🔸帶子炸蝦餅天丼
結合帶子和炸蝦的海鮮鮮甜 加少少秘製醬汁 份量剛好 好滿足🥰
🔸三葉珍珠菇味噌湯
用上赤味噌 味道比較濃郁
🔸甜品
最後有抹茶雪糕🍵清爽解膩 畫上完美句號🤩
