Video
Read full review
2011-03-15
第一次食呢間金田,因為聽朋友講呢間都唔錯,OPENRICE既評價都幾好,於是我地就去左,點知,去左有一種上當既感覺,呢間係我第2次有衝動想寫食評既餐廳,講真,D野食同服務質素真係唔係好得LO..都唔知佢地想點:1. 首先講下D刺身,三文魚刺身切得唔好,背上果D肉未起乾淨,所以食落去有D軔軔地,口感唔得..2. D螺肉都仲OK既...不過大致上..D刺身唔多新鮮..3. 再來係D燒物,講真,真係唔得LO,燒東菰.冇味.只係食到D胡椒味,仲要係冇汁既,D茄子都係一樣(話說燒茄子我FD由第一ROUND叫野食開始已經叫左...我地中途催單唔知催左幾多百次, 係最尾果ROUND 侍應問我地有冇漏果時..我FD即刻話茄子..佢先俾茄子俾我地.仲要一D都唔好食,講真..你要我等冇問題..但最起碼唔該你D食物有番D水準好D LO.)仲有果D燒羊鞍呀..好SO..燒雞軟骨..得個燒字..咩味都冇..你燒野..唔放下D汁..會有味架咩下?好多D燒物..上到黎果時係凍架..D燒鯖魚呀..第一ROUND上果時係凍既..第2ROUND上 鯖魚+秋刀魚果時暖暖地(呢一ROUND..我真係催單催左好耐)..我真係好
1. 首先講下D刺身,三文魚刺身切得唔好,背上果D肉未起乾淨,所以食落去有D軔軔地,口感唔得..
2. D螺肉都仲OK既...不過大致上..D刺身唔多新鮮..
3. 再來係D燒物,講真,真係唔得LO,燒東菰.冇味.只係食到D胡椒味,仲要係冇汁既,D茄子都係一樣(話說燒茄子我FD由第一ROUND叫野食開始已經叫左...我地中途催單唔知催左幾多百次, 係最尾果ROUND 侍應問我地有冇漏果時..我FD即刻話茄子..佢先俾茄子俾我地.仲要一D都唔好食,講真..你要我等冇問題..但最起碼唔該你D食物有番D水準好D LO.)仲有果D燒羊鞍呀..好SO..燒雞軟骨..得個燒字..咩味都冇..你燒野..唔放下D汁..會有味架咩下?好多D燒物..上到黎果時係凍架..D燒鯖魚呀..第一ROUND上果時係凍既..第2ROUND上 鯖魚+秋刀魚果時暖暖地(呢一ROUND..我真係催單催左好耐)..我真係好想問..既然你D野都唔係即時燒..即時俾客,咁你拖我D野食拖咁耐做乜!!!!!!!!!!!!!真係火都黎埋
4.之後果D炸物,都仲OK,個炸年榚我FD 話唔錯,同埋果個咩煮螺(唔記得左咩名)都唔錯架..大大隻..好好肉地..不過我唔知係唔係做放題既都係呢種心態,驚客食唔晒..我地ORDER左8隻.佢俾得果4隻我地..即係咁..我地已經全程都係度催單..全程唔夠野食..全程等野食...難得上到一碟..佢竟然上唔足,你地話啦..有冇攪錯先.
5.到最黎D鍋..唉..我真係唔知佢地廚房係唔係唔夠人用,催左唔知幾多次..佢先上俾我地..仲要麻麻地..我地點左好多種唔同既鍋..款款入面D料都係一樣,一係差唔幾..只不過係換左D湯.我想問..咁樣黎做生意?間野已經唔係便..仲要咁玩..我催果個泡菜豆腐鍋,佢俾第2個我..D人點做野!!!!因為我地肚餓..所以都算..照食..之後,我再催..佢俾左冇泡菜得少少泡菜味既鍋俾我,好彩我問左侍應..佢好肯定咁同我講左係泡菜豆腐鍋,唔係.我一定又以為佢地上錯野.
全程..我不停不停咁催單.真係催到我把幾火,我未試過D野食可以催極都唔黎...呢間野漏單真係超級十萬個嚴重,我仲要將我地漏既野寫左係張紙仔度..每一次侍應行過..我就同佢講我地漏左D咩..每一次就會講一樣(冇計..講得多..又驚佢地一樣都記唔到..),D侍應真係.佢地答我得..轉頭就走左,佢地跟本冇跟過我地D ORDER.仲有最攪笑..佢地拎埋我自己手寫果張紙仔(寫左漏左D咩既紙仔)..都可以上唔足D野俾我地..到最後..我真係絕望..唔上就由佢...
呢間野...聽講裝修之後就變左咁差..我諗佢依家晚上都仲可以坐滿係因為D人唔知D野食差左咁多..
P.S一間餐廳..仲要冇紙巾提供....
Post