阿里郎熱狗棒 (Closed)

尋日，因為要同男朋友去睇波鞋，所以去左旺角波鞋街行街，之後係個到附近的橫街見到有一間炸熱狗棒，好似好正咁，加上我地睇左咁耐波鞋有啲肚餓，所以就食少少嘢頂住肚先，不過原來有好多唔同的熱狗揀㗎，我就叫左薯條熱狗棒。我覺得個熱狗味道一般，佢主要的味道係來自醬汁，其實佢都比較偏乾身，係有醬汁先會比較好啲，食到尾無汁個啲位，直情係無味，比較似無落鹽的薯條加炸麵包咁，不過當然我唔排除可能係佢地知醬汁味比較濃，用淡味包來中和，入面的熱狗腸味道ok的，同埋佢最正係可以比我地自己加醬汁同調味粉。