米線陣 (樂富廣場A區)

Open Now

Now Closed

今日晏晝唔知食乜，12點幾行過米線陣，心諗咁熱食啲濕濕地嘅嘢都好，咁就入咗去食米線。入到去，等咗一兩分鐘就有人嚟招呼，問我坐高檯介唔介意，因唔想等好耐位就選擇坐高檯，但都要等一陣先安排到位。入到去服務員小姐比咗兩個餐牌比我，因唔想煩，所以就揀咗食餐，3個套餐裡面見啲配餸都係啲大路嘢，但個叻沙湯較少見啲，所以要咗一份。配餸係雞肉同魚腐，雞肉好大件，足料，但亦因為大件而不入味，整體件雞都算滑，但較淡。魚腐彈牙，湯底都夠味，但成碗米線最出色反而係啲豆卜，吸咗啲叻沙湯，好味! 米線同跟餐杯奶茶不過不失，但份量足，我個米線最終都食唔哂。$40幾蚊，合格。可以有一次。