白鬚旗艦店 (Moved) New Location

今個假日來到西貢，行下逛下避開毒煙，難得可以呼吸一下新鮮空氣。到了晚飯時間，經過一間印尼餐廳「白鬚」門口，見佢店內裝修唔錯，環境好舒服，而且食物賣相吸引，而且價錢合理，一於試一試印尼菜。我哋2個人叫左牛骨湯飯，雞絲湯飯，沙嗲雞串同唐揚炸雞，湯底唔錯，夠清甜，飲落知道沒有添加味精，牛肉好林，最驚喜的是沙嗲雞串，好好味，值得一讚😋！未食印尼菜之前，以為都是味濃煎炸食物，但食過之後，真是另一番風味。另外，餐廳2樓設有日式座位，非常特別，經過西貢的朋友，可以試一試！