江南瀨粉 (福榮街) (Closed)

路過福榮街被招牌上大大隻 “瀨粉”兩個字吸引去睇（因為大耐冇食過瀨粉喇），當我係門口研究緊餐牌時，有位店員走出黎話佢地既瀨粉係自家製，即叫即整，我見咁特別就試一試佢。叫左3個餸配麻辣湯底，潮州魚蛋彈牙有魚味，雞翼炸得好香脆，還貼心地用碟另上，鵝腸就冇特別。到主角瀨粉嘞，原來同平時食既瀨粉係唔同㗎，平時的瀨粉口感偏向爽，佢食落比較似麵，但又比麵多左少少煙韌，都幾特別。配埋麻辣湯食都不錯。