豚道樂 (大河道) (Closed)

經過左好多次都冇入過去食。揀左好耐先下定決心試呢間先，下次試台風🤣道門我覺得比較難開，但店員見到即刻泥開門，旁邊有搓手液用，一個人食安排坐的吧位，望窗，但因為店都貼滿晒海報，餐牌，裝飾，所以街外人都望吾到自己食野既，私隱度👍叫左個極上豬骨湯拉麵，有兩款肉，兩塊紫菜，溏心蛋送野飲，肉好食，但我想數量多的😆。麵揀左曲麵普通硬，啱啱好。溏心蛋係最好食真係好正！正到我要加多底配佢食😂冇錯，加底係平日吾洗錢呀！好抵食。湯都好夠濃，但未至於好鹹。因為得一個人，未試到的小食，希望下次有機會試下啦。