南小館 (Closed)

第一次食上海嘢，估唔到都幾特別幾好食，依間餐廳比咗好多驚喜我，價錢中等，但有高級嘅待遇，啲侍應好有禮貌，間唔中就過嚟問需唔需要加茶，做嘢又快手又唔偷懶，環境又靚，又有歌聽，好抒情，仲好光，好有feel！今次同屋企人嚟食，碗雲吞麵唔錯，個湯唔似係味精，啲麵又有咬口，雲吞入面都好足料。媽咪就食咗碗擔擔麵，辣度可以，唔會食完之後好口渴。整體感覺很好，食完之後想推薦比大家，絕對唔會覺得伏，好適合一家大細嚟食！