Video
Read full review
2019-11-25
30 views
每逢天氣一開始凍就會心思思想打邊爐，於是約咗個同好出去旺角覓食，我地最後決定黎呢間新開，叫二鍋頭嘅雞煲專門店。鋪頭位於旺中對面二樓，行完街過去食飯都幾就腳，一坐低，店員就俾咗張紙我地揀食咩煲，見到鴨煲咁新奇，就一於佢啦。成個煲擺到靚靚仔仔，然後再由店員炒一炒，d香味撲鼻而來，等唔切喇！鴨肉好惹味，相信同配料有密切關係，配料不但多，刀法亦唔馬虎，切得好整齊，均勻，抵讚！食完鴨煲，終於黎到主角—火鍋，我地嗌嘅係沙嗲湯，味道濃郁，又唔會掩蓋咗食材本來味道，唔洗沾醬都夠味。店鋪食材分兩部分，肉類海鮮寫紙仔，菜，麵類自取，肉品嘅選擇雖然唔特別多但勝在新鮮，提供嘅份量亦啱啱好。另外值得一提係服務真係唔錯，會經常幫你收走多出黎嘅碗碟，加湯，態度非常良好
鋪頭位於旺中對面二樓，行完街過去食飯都幾就腳，一坐低，店員就俾咗張紙我地揀食咩煲，見到鴨煲咁新奇，就一於佢啦。
成個煲擺到靚靚仔仔，然後再由店員炒一炒，d香味撲鼻而來，等唔切喇！鴨肉好惹味，相信同配料有密切關係，配料不但多，刀法亦唔馬虎，切得好整齊，均勻，抵讚！
食完鴨煲，終於黎到主角—火鍋，我地嗌嘅係沙嗲湯，味道濃郁，又唔會掩蓋咗食材本來味道，唔洗沾醬都夠味。
店鋪食材分兩部分，肉類海鮮寫紙仔，菜，麵類自取，肉品嘅選擇雖然唔特別多但勝在新鮮，提供嘅份量亦啱啱好。
另外值得一提係服務真係唔錯，會經常幫你收走多出黎嘅碗碟，加湯，態度非常良好
Post
