小草十八怪石鍋米線 (Closed)

小草十八怪石鍋米線旺角亞皆老街36-38號龍飛大廈地下3-4號舖自己一向都係米線達人，勁鐘意食米線，今日經過旺角女人街街頭見到呢間石鍋米線應該係新開張既，而且又未試過咩叫石鍋米線，一於同朋友入左黎試下呢到既石鍋米線十分足料呀，可以係3x 款配料之中揀9款，然後再選擇鐘意既湯底，湯底分別有香辣金湯，馬來肉骨茶，沙嗲湯，火腿瑤柱肉骨湯同埋酸菜魚湯，揀好左之後餐廳就會分別上左已經預熱好既石鍋同埋湯底比我地先，而配料就會用好精緻既九公格裝住，望落已經好吸引，跟住我地就按照餐廳職員既指示先將蔬菜同埋肉類放落石鍋到，再加入湯底，稍為焗一焗然後再加埋米線同埋其他配料就搞掂啦，第一次試感覺好有風味，香港真係好少有，值得推介而朋友就點左小草酸辣粉，見到粉上面滿咗花生，蔥同埋芫茜已經覺得好正，而薯粉就比較幼身，煙韌有嚼口，加上酸酸辣辣既湯底配埋肉碎，都係一個唔錯既選擇餐廳除左出名食米線之外，原來仲有串燒都烤得唔錯好有風味，我地分別叫左蒜蓉燒扇貝，牛仔骨，牛舌，娃娃菜，司華力腸，不過要提一提各位，因為所以串燒都係即叫即烤，熱辣辣㗎，所以要預d時間呀