小泰閣 (Closed)

放lunch經過一間外賣泰菜鋪頭，鑑於附近食過都有唔錯同價格相宜既，今次見到一間差唔多價位既決定都試下質素如何。落單果陣職員態度唔係咁好，最後買左盒招牌雞飯$40配無糖凍綠茶，見佢係招牌心諗實無死，點知打開個盒第一次見到有人可以將啲雞肉整到死屍肉咁款，啲肉醃到死曬，仲有陣難以形容既味，後尾諗返係似放左好耐先會發出既垃圾臭味。試驗性咬左兩小口雞同食左幾啖飯，當晚痾嘔同發燒，第二日搞到請病假，真係多得呢間嘢唔少。盒飯連配菜都落左好重香料，懷疑係為左掩蓋本身食材唔新鮮，所以我估我唔係第一個食到腸胃炎。