因為屋企冇人煮飯，就同細妹出街食，本身諗住去Oliva，不過見呢間未食過就試下，仲近屋企添~
我地七點未到就入去，燈光都未較暗，我地坐左最入面個張枱。
我地order左兩個set dinner，首先有餐包，佢d牛油自己加左野，應該係蒜蓉同香草:)
餐湯都不錯。
主菜黎喇，我個份係豬扒拼吉列帶子意粉配什菌汁($56)，豬扒好味，不過韌左少少，不過意粉加埋個汁就好好味。
細妹既豬仔骨拼吉列魚柳配什菌汁+法式焗薯($62)，呢份黎到個陣就覺得好正，豬仔骨好香bbq味，魚柳都好脆。焗薯creamy，仲有一粒粒應該係煙肉。
餐茶夠大杯，不過我杯檸茶唔夠茶味。
下次有機會會試埋lunch，睇落都唔錯，又唔算太貴。
