米走雞 (昭德大廈) (Closed)

位於長沙灣呢間雞煲，馳名芝士雞煲，今日同一班朋友去朝聖。由於book 唔到位，我哋唯有早啲去walk in , 好彩都比我哋等到位。個芝士雞煲都幾特別，第一次咁食。 啲芝士沾滿左雞嘅表面，好濃醇芝士味。其次就係啲雞，因為煎過黎所以特別香口。食雞煲當然就係食晒啲雞先落啲餸去打邊爐，啲雞的確煮得好好食，又入味。不過打邊爐果part 就同普通邊爐無咩分別，當個煱加左水入去，就沖淡左個味，真係普通唯一有啲驚喜嘅就係個墨魚滑竹笙。口感特別，爽中帶脆。竹笙索晒啲湯汁，幾好。 (不過忙住十下十下，唔記得影相。)總括黎講，都算普通。