Video
Read full review
2011-02-27
34 views
聽人講得多話呢間都好食，於是今日特登搾車入嚟試吓！今晚點咗香煎法國鵝肝，不過不失，但有點名過其實，未至於傳說中咁好食，有點失望！煙三文凱撒沙律，煙三文魚無事，但唔知點解啲生菜會有腥味，而唔係之前有食客過話係三文魚有腥味。巴馬腿露卷沙律，火腿又濕又無巴馬火腿既香味，露筍就幾好食夠大條又唔老，沙律OK。炭燒大菇伴香草帶子，個菇好食，帶子普通，但個汁啲味好奇怪完全唔夾個菇同帶子，同埋好多油。炭燒頂級澳洲羊扒，明顯食到喺先烚熟再煎，攪到啲羶味出晒嚟，再煎到幾香都無用，唔會遮得到，羶味加上羊脂肪可想而知個味道及口感會係點，我個人覺得好難食。燒豬仔骨，同羊扒一樣食到喺先烚熟再焗，可能焗得未夠火喉啲豬肉既脂肪都未分解到，再加上食到豬骨膜既味道，脂肪既肉質加味道充斥係我口裡，攪到我無晒胃口連配菜都無食過，只勉強食咗三條骨已經完全放棄呢碟，叫個待應收走佢，咁大個仔食嘢都未試過咁蹤嘢！燒豬仔骨，明顯睇到都未焗透，呢個係豬仔骨嚟架唔係牛扒呀！攪到我最愛食甜品既我都唔叫嚟食，費事要博多一次，即時同朋友講唔食。另兩個凍飲可以唔叫就唔好叫啦，物非所值，凍奶茶和凍檸檬茶。其實初時食頭盤整體都有七八十分（雖然無驚喜）
今晚點咗
香煎法國鵝肝，不過不失，但有點名過其實，未至於傳說中咁好食，有點失望！
煙三文凱撒沙律，煙三文魚無事，但唔知點解啲生菜會有腥味，而唔係之前有食客過話係三文魚有腥味。
巴馬腿露卷沙律，火腿又濕又無巴馬火腿既香味，露筍就幾好食夠大條又唔老，沙律OK。
炭燒大菇伴香草帶子，個菇好食，帶子普通，但個汁啲味好奇怪完全唔夾個菇同帶子，同埋好多油。
炭燒頂級澳洲羊扒，明顯食到喺先烚熟再煎，攪到啲羶味出晒嚟，再煎到幾香都無用，唔會遮得到，羶味加上羊脂肪可想而知個味道及口感會係點，我個人覺得好難食。
燒豬仔骨，同羊扒一樣食到喺先烚熟再焗，可能焗得未夠火喉啲豬肉既脂肪都未分解到，再加上食到豬骨膜既味道，脂肪既肉質加味道充斥係我口裡，攪到我無晒胃口連配菜都無食過，只勉強食咗三條骨已經完全放棄呢碟，叫個待應收走佢，咁大個仔食嘢都未試過咁蹤嘢！
燒豬仔骨，明顯睇到都未焗透，呢個係豬仔骨嚟架唔係牛扒呀！
攪到我最愛食甜品既我都唔叫嚟食，費事要博多一次，即時同朋友講唔食。另兩個凍飲可以唔叫就唔好叫啦，物非所值，凍奶茶和凍檸檬茶。
其實初時食頭盤整體都有七八十分（雖然無驚喜），但係食咗個主菜之後，即時比個主菜拖累倒扣一百分。有時用料唔上乘唔緊要，只要煮到好嘢出嚟比人客食，好多時都唔會介意，但係用料普通又煮成咁時，真係好難會叫人返嚟再幫襯。希望佢將來會有明顯既大大大改善。
最後要講服務態度
去到門口個女待應反應慢幾拍，唔緊要，預咗！因為其他食評都有寫過！算！
到坐底點菜，我問啲關於食物份量既問題，問佢有幾大件，佢答我重量有幾多，真係勁！答非所問，為咗食我忍妳……
緊住就點菜……，點知點菜期間，隔離枱有個小朋友不斷打擾同我落單個女待應，猛咁同佢講嘢。呀姐你咁唔得閒要應酬小朋友就叫第二個同事過嚟幫我落單啦！咁樣我覺得好唔尊重我！
Post
