R&B (Closed)

食到一肚氣，第一次係openrice寫劣評！$178 燒雞胸（鹽燒）勁鹹！！問待應點解咁鹹，佢話係正常每個人放入口都係咸到乸埋塊面，咁係正常？塊雞胸薄過iphone都算，加$38加左配菜西蘭花，比左5舊仔白烚西蘭花，眼都突埋$420 西冷扒好低質，塊扒好柴好乾無肉味，又細塊又零賣相，完全唔值四百蚊，當顧客係水魚？牛油果三文魚薄餅無乜料，十分一般蜆肉意粉個蜆好咸，但成個意粉又無乜味我地三年前食過覺得好食先再黎，估唔到差左咁多，成餐飯得豬扒同薯條叫做好啲（都係正常質素，唔係特別好食）其他野都係又貴又唔抵又唔好食成班朋友由開開心心黎慶祝生日，食食下都無哂心機，希望店家比返啲良心，比返少少尊重啲食物同客人。