Green Common (海港城) (Closed)

朋友提過下呢間淨素食餐廳，都想試下，於是就約埋幾個黎食喇。餐廳內裝潢風格清新，我地坐底揀左幾款野食，朋友特別想試果個未來漢堡。炸魚薯條：呢個雖然係小食，但都好大份，完全係主食份量。薯條炸得好香好脆，本身對炸魚期望唔高既，因為都知唔係真魚，點知食落又幾好味喎，口感似麥樂雞，味道竟然又真係有啲魚味😋黑松露雜菌意粉：正正常常，不過如果再入味啲會更好葡汁雞飯：呢個就味道有啲新奇，唔似葡汁味，但都可以入口既，飯裡面啲素雞都唔錯。未來漢堡：朋友最想試既，果然係鎮店之寶，個包外皮脆脆裡面鬆軟，抵讚！素漢堡食落好似台灣豬肉腸既味道，都好好食。成餐埋單每人百幾蚊，價錢還好啦，不過第一次食素食餐廳，都叫做好滿意。