肯德基家鄉雞 (KFC) (Closed)

難得今朝早左成半個鐘就返到公司，諗住買個早餐返去慢慢嘆，平時返工放假都係m記多，熟就自然繼續幫襯啦！今日大把時間咪搞搞新意思，去左KFC囉！唔試尤自可，一試便中伏！我箍牙妹當然係揀返岩食易落肚嘅野啦！咁多款式，我第一次試當然揀個易入口嘅熱香餅啦！哇，凍嘅，等餐5分鐘，返公司又5分鐘，唔係好耐姐！切落去又有啲硬，食落口又硬，又韌，有啲食擦子膠感覺，係個糖漿同牛油好味啲。餐飲我揀左阿拉伯加咖啡，不過不失啦，個人口味黎講，好過m記，易入口，聞落又提神。有機會都會再試其他野，但熱香餅我下次都係去返m記。