川粵鳳凰

Open Now

Now Closed

朋友介紹黃大仙附近開咗新餐廳，特登去試吓。呢間餐廳嘅菜真係幾正，每道菜都咁香咁靚，真係食完唔想走！🍲✨首先講講拔絲咕嚕肉，外面有脆脆嘅糖絲包住，再加上酸酸甜甜嘅醬汁，仲撒咗啲芝麻，咬落去又甜又香。再夾埋旁邊嘅新鮮鳳梨🍍，果香配埋肉味，真係食到停唔到口！然後係清炒土豆絲🥔，睇落簡單，但炒得爽脆又夠味，仲有啲辣椒🌶️帶嚟少少辣勁，開胃一流。第三道係黑椒牛仔骨，呢個牛仔骨真係香到飛起！黑椒味濃郁入味，牛仔骨咬落滑嫩，仲加咗啲茄子🍆，香又有層次，食完一啖又想食下一啖🍖。最後就係番茄海鮮湯🍅🦐，湯底濃郁，加埋新鮮嘅海鮮同番茄，酸酸甜甜，飲落好清新，係豐富餐點之後嘅完美結尾，暖胃又解膩。呢間餐廳無論係味道定係賣相都睇得出廚師真係用心💫。想介紹俾大家，佢哋仲有雞煲同酸菜魚出名，但係今次真係飽到食唔到，下次再嚟試埋佢。