賣相係咪好好睇呢，但我想講有一半青口都係唔開口嘅，仲有個汁真係搞唔掂，我同間餐廳反映
佢直接攞走我碟嘢，我本身以為佢會煮過，換返啲新鮮嘅俾我。我萬萬估唔到，佢拎入廚房之後，敲碎啲殼同埋強行打開啲青口，再拎返出嚟俾我。喂大佬，你做餐飲，你唔好話俾我知，唔知道青口唔開口係咩意思---「係唔新鮮同死左呀！」
黐線，啲青口又臭又粉，我俾返$200你，你同我食咗佢，你真係好意思拎返出嚟俾我？
OK，到講嘢飲。呢杯嘢飲巨伏，未飲過咁難飲嘅嘢，有興趣可以去伏下，好似叫咩奶茶
到個意大利飯，公道啲講句，呢個係好食嘅，但份量少到我以為食緊兒童餐，你真係唔好唔信，份量大約等於4舊壽司。
小食拼盤冇伏，但如果睇完我上面嘅評論，都仲想去試嘅，咁我真係祝你好運。
最後我剩係得一個希望，盡快執笠啦唔好害人
