可能餐廳係因為第一次，我落單5分鐘左右即時有位餐廳職員打俾我確認訂單，我諗最重要一個問題係問我係咪已經俾咗錢，哈！咩系統冇顯示咩？！如果我未俾錢，咁個系統又會俾我落單嘅
可能餐廳係第一次，餐廳不能於指定取餐時間完成，我準時到後都要等8分鐘才可取餐
可能係餐廳第一次，我叫了炸牛扒定食當然有沙律、前菜、飯及主食炸牛扒，還有有豉油另上，咁個湯呢？！
去咗邊？明明見人哋堂食有湯跟架！可能係餐廳第一次，我落單時已要求不要餐具，最終俾夠兩對快子我，另外已要求少飯，但仍然俾一大盒飯
，始終我食唔哂，大哂鬼。炸牛排定食嘅食物味道：飯一睇就睇得出係溝珍珠米，軟硬適中，好食。沙律同前菜正常，主食炸牛排外賣算不錯，起碼外層仍脆；因為靚牛排係唔需要太多醃料，但面層洒鹽太多，有啲咸；可能因為堂食會有爐俾食客再加熱已切件嘅炸牛排，但外賣就冇爐，所以明顯用咗火熗燒熟牛排中心點，但反而令牛排冇哂肉汁，更有幾件牛排太乾，變咗牛肉乾。
其實牛排質素係好，如果於堂食會好食好多，但始終覺得價錢調得太高。
試過一次就夠，唔會有回頭客。
