SAMJIN AMOOK (Closed)

冬天嘅時候韓國人最鍾意喺街邊嘅布帳馬車食串熱辣辣嘅魚糕🇰🇷我一向都好鍾意食魚糕，所以前排就去左 SAMJIN AMOOK 食魚糕😍呢度嘅魚糕嘅款式種類有好多，有炸物，亦有魚糕湯🥰呢度係運行自取模式，揀好左心水野食就可以喺旁邊收銀排隊俾錢💵有啲已經唔太熱，你就可以即場加熱先再食🔥魚𥚃藏椒，魚肉入面包住左一條青瓜辣椒🌶而青瓜辣椒入面亦包住左豬肉同蔬菜🐖🥬口感好豐富，仲有少少辣，好惹味😝香辣味一口魚餅，魚糕卷住啲就蔬菜🥕口感綿密，味道甜甜地☺️芝士夾心黃金魚球，黃金酥脆嘅魚糕包住半溶嘅芝士🧀但我都係覺得冬天最啱食串魚糕加杯熱湯先係最好嘅配搭💯所以叫左個原味魚餅湯套餐，湯底鮮甜，魚餅冇特別調味過，所以食到佢嘅原汁原味😋而麻辣魚餅湯套餐，係小辣嘅麻辣湯味，魚糕會帶微辣，好惹味🤤好辣嘅人會幾鍾意