呢度嘅每一碟菜，包括甜品，都好精緻，係可以攞嚟欣賞嘅藝術品。
就連佢嘅餐包都做得好仔細，淨係講呢個餐包上面嘅鹽，就係一啲好薄嘅晶體，配埋牛油，佢嘅鹹香就有兩種層次。
1
哩碟三文魚沙律一上，仲以為主菜到。淨係個頭盤就已經被驚艷到。
我嘅主菜叫咗魚（冇影餐牌所以唔記得咗佢叫咩名）。魚唔腥，肉夠林但唔散，加埋舖係面脆卜卜嘅炸蒜，令食落去嘅口感更加豐富，如果配埋醃紅菜頭，又會有另一種好清新嘅感覺。
男朋友就叫左碟羊，好林又唔會覺得羶，上面配左啲芝士。但係中間個薯餅就一般般。
中意酒嘅人可以試下哩個甜品，佢嘅蛋糕吸滿晒冧酒，咬落去啲冧酒出曬黎，都好重酒味，配上橙汁又有種好清甜嘅感覺。
另一款甜品賣相都係好吸引，中間有蘋果肉，加訂脆餅，好啱小朋友食。
