第一腸粉專賣店 (Closed)

早前買落既團購券，$15可以換到一碟兩款餸既腸粉同一杯豆漿，呢個朝早就過來試一試。早上約九時的時候，店鋪入面既食客唔多，大家都可以坐得好鬆動。點了叉燒加燒鴨絲腸粉，另加一個蒸蘿蔔糕及團購券包括的豆漿。最先送上的是蒸蘿蔔糕及豆漿，蘿蔔糕的配料唔多，只有少量的蝦米。但切開來的時候可以看到條條的蘿蔔絲，粉的份量恰當，唔會只係食到粉。可惜配上的豉油比較甜一點，應該是用伴腸粉的同一種豉油。這個稍甜的豉油配上鹹腸粉的確唔錯，但配上蒸蘿蔔糕則顯得過甜了一點，可能是因為蒸蘿蔔糕是比較清淡的一味，蘿蔔的甜加上豉油的甜便成了過甜。食到一半腸粉便送上，看上來腸粉皮幾薄，可以透視到內裡的叉燒及燒鴨絲。入口米香一般，但吃起來薄得來帶點煙韌，的確係好食既腸粉。雖然係用團購券換而非正價，但內裡的餡也不少，絕對無因為係團購而減少份量。叉燒同燒鴨絲相信係來貨，也沒有什麼特別之處，不過配起煙韌的腸粉皮吃也相當之夾。豆漿則豆味不濃，甜度正常。配合埋蒸蘿蔔糕及腸粉也是不錯的一個早餐。