仨島日本料理 (Closed)

因為呢排成日落雨既關係，門口都唔想出，所以係叫外賣，咁岩見到呢間啲set lunch好似幾抵咁就試吓。我今次叫個set lunch 係豬骨湯肥牛烏冬加壽司，呢個set lunch 既份量我覺得都中規中矩，啲壽司貌相幾好，不過唔知係咪外賣加上落雨關係，多人叫外賣，啲飯唔夠實，一夾就散散地，但味道係ok 既。整體黎講，我覺得呢間以日本野食黎講價錢都算平既，份量合理，出餐時間都唔算話好耐，落左order 後大約45mins 左右就送到。不過以呢個價錢黎講唔好期望係好高質素。