就找一個就腳而且未去過的. 行行下, 來到上環, 就近, 就經濟, 上來好彩, 一個人, 飲早茶. 感受一下老中環的早晨生活.
早上, 最重要原因是過了九點. 大多中環老白領早已回到公司多勞多得. 而係呢個時段, 來的是一批更老的退休老中環. 或是一些彈性上班時間的老闆級中環老頭. 頓時, 覺得呢個時段黎飲茶, 好奢華.
早晨, 一盅兩件, 慢慢食, 嘆下報紙最實際. 叫下一盅鳳爪排骨飯, 一籠份量減半的燒賣同一籠叉燒包.
先食傳統茶樓早餐必食的盅頭飯. 這裡的份量是小的, mini版. 細細份的鳳爪排骨飯. 鳳爪兩隻, 味道未算最美, 排骨未蒸到肉離骨, 還帶點韌, 不過飯是生米蒸飯, 算是可取之物.
燒賣, 早晨時段特價$9.8兩隻, 叫完先覺得自己笨. $9.8兩隻, 係第2度, 有齊一籠四隻啦. 味道是否甚好食. 唔覺, 都是普通的一粒燒賣, 而且只是用綠豆架上面.....笨人笨吃.
叉燒包, 味道清甜的, 3個點心中, 質素最高的就是這個包. 叉燒餡有肉既咬口, 醬汁夠香甜味美. 而且包夠腍. 放到最後嘆報紙時, 才一隻一隻食, 包雖開始凍但依然是腍腍易入口的.
慢慢的Hea了一小時, 環境算是好. 同朋友說我今早去了上環好彩飲茶. 他們奇怪地問, 為何不去蓮香等等等等. 蓮香忙忙碌碌, 不太適合一個人hea. 呢D茶樓, 一個人食又唔駛搭檯. 感覺幾好. 而且, 我新增了一個宗旨, 食野, 不一定要找好食. 周圍試是我的飲食人生.
最後說服務, 基本功夫做足. 不過我叫茶時, 叫的是鐵觀音, 卻來了普洱....不去改了, 什麼茶都啱飲, 只感覺, 有失細心.
1
