Video
Read full review
2015-01-05
2848 views
第一次寫食評.第一次食牧羊.其實以前曾經有機會光臨牧羊，但實在太多人等位所以放棄了。今次時間比較充裕，約了好朋友四點下午茶，原本以為星期日會比較多人，擔心需唔需要提早拎位...怎知差唔多四點半到達，等了三張就到了。我地坐室內，環境算唔錯，但同行友人抱住幾個月大既bb，幸好無*坐車車*，如果唔係就一定要摺起擾攘一番。坐低後係每張枱有水有杯 自助，然後落order既方法好特別，可能係環保既關係 係用水筆係膠上面剔，之後到收銀處比錢，收銀員收回menu後將筆跡擦走重用！三大一細 總共點左兩個意粉一個沙律一個小食拼盤？一個窩夫 同三杯cappuccino. 合計大約二百有找。先講講cappuccino,睇見其他食評都有讚無彈都知有幾正，每杯拉花都唔同，奶味岩岩好，友人都讚不絕口。再講窩夫，無記錯係有三種口味既果醬供你選擇（忘記了）我地揀左士多啤梨。呢到既窩夫唔會太乾 表面係有脆脆既口感 配奶油加雪糕加果醬 一流！其中一個意粉係carbonara,牧羊係用長通粉煮，比較少汁同淡味，見到隔離枱女士*勁*倒芝士粉先夠味。由於岩岩腸胃炎好番，所以淡淡地食都可以，只係真係比較乾！另一款意粉，本來我係落鮮
第一次食牧羊.
其實以前曾經有機會光臨牧羊，但實在太多人等位所以放棄了。
今次時間比較充裕，約了好朋友四點下午茶，原本以為星期日會比較多人，擔心需唔需要提早拎位...怎知差唔多四點半到達，等了三張就到了。
我地坐室內，環境算唔錯，但同行友人抱住幾個月大既bb，幸好無*坐車車*，如果唔係就一定要摺起擾攘一番。
坐低後係每張枱有水有杯 自助，然後落order既方法好特別，可能係環保既關係 係用水筆係膠上面剔，之後到收銀處比錢，收銀員收回menu後將筆跡擦走重用！
三大一細 總共點左兩個意粉一個沙律一個小食拼盤？一個窩夫 同三杯cappuccino. 合計大約二百有找。
先講講cappuccino,
睇見其他食評都有讚無彈都知有幾正，每杯拉花都唔同，奶味岩岩好，友人都讚不絕口。再講窩夫，
無記錯係有三種口味既果醬供你選擇（忘記了）我地揀左士多啤梨。呢到既窩夫唔會太乾 表面係有脆脆既口感 配奶油加雪糕加果醬 一流！其中一個意粉係carbonara,
牧羊係用長通粉煮，比較少汁同淡味，見到隔離枱女士*勁*倒芝士粉先夠味。由於岩岩腸胃炎好番，所以淡淡地食都可以，只係真係比較乾！另一款意粉，本來我係落鮮茄意粉，可惜無了侍應話轉另一款，我地ok，但無聽清楚叫咩名....但味道都好好，有菇有蝦有香草和橄欖油，睇落去碟底比較多油，但食落就唔覺，很好吃！
沙律方面無什麼特別.....
水果杯中有桃有橙有蕉有蘋果有火龍果同番茄仔，望落好細杯但都足料架！最後係拼盤，
當然拼盤呢個名係我改既...因為我又忘記了。由於佢有兩隻雞翅兩粒貢丸？三粒腸仔同粗過手指既薯條，所以我稱佢為拼盤，不過分吧！雞翅炸得比較耐，有點乾，肉丸我無食，友人話好粉...?薯條係好正！！！腸仔就係正常。總括來說，牧羊可以再光顧，但就要逼開人潮時間，因為分分鐘等位既時間仲耐過食（入座後限時兩小時），同埋注意下午茶份量比較細（自己大食？）。下次試下午餐同晚飯先！第一次寫有錯字有唔好請見諒。
Post
