校長燒肉日韓料理 (沙咀道) (Closed)

好耐之前聽過呢間校長燒肉放題，聽講好多人，每晚入都要排隊。第一次試，已經感受到人多既程度。6點50左右到左，已經好多人排隊，名不虛傳!等左20分鐘左右，入去7:15 - 9:15時段每人198 (另加一)。發現入面環境裝修都唔錯!呢間放題真係唔講得笑，佢有好多種唔同種類既剌身﹑熟食﹑燒肉﹑炸物﹑火鍋料﹑甜品﹑雪糕等等，各式各樣，包羅萬有! 真係正正子!仲要每位送新鮮蝦﹑五花腩肉同牛肉，燒起上黎特別好味!我地燒肉同火鍋都有試，味道同款式都好好，我地最鍾意食雞腎﹑肥牛﹑雞軟骨﹑魚豆腐。同埋我最愛既hoegaarden!!