由於太掛住台灣，決定要叫返台灣必食嘅牛肉麵。我叫左佢個推介: 紅燒三星牛肉麵，有牛肚牛筋牛腱。湯底有三款可以自由選擇，有紅燒 麻辣 蕃茄; 麵都有得揀粗麵 刀削麵或者冬粉(glass noodle) ，仲有得揀多/少/走葱。我就揀咗紅燒湯底同刀削麵多葱。
一上枱，wah咗一聲！超級足料，睇圖就知，幾舊好大嘅牛筋，兩舊牛肚，兩舊牛腱，第一啖梗係飲吓個湯先，覺得好好味！！！刀削麵都有口感，不過食到一半覺得好口渴好鹹。
朋友就嗌咗牛骨湯麵配炸雞扒，雞扒有啲似鹽酥雞扒，又脆又好食，佢叫咗粗麵，不過大家一致認為刀削麵好食d。另外都係有同一個問題就係偏鹹。
我哋見佢份量咁多就冇再加小食，不過見到隔離枱小食啲份量有啲細，好似唔係好抵食。
兩碗麵埋單~$180 ，我覺得價錢合理嘅不過真係要飲番幾杯水。
