牛石料理 (Closed)

成日有人會講：第一個食蟹嘅人係勇士。而我會話：第一個食海膽嘅人簡直係神！因為食一個外表多刺、外形不討好嘅海膽，真係想像唔到佢當時有幾肚餓。但亦多謝佢令我哋可以品嚐到呢個人間美味，呢種美味更難於筆墨形容。今晚為咗同朋友一齊試呢個人間美味就去到牛石料理呢間餐廳啦！店內裝潢時尚而且每個座位私隱度都好高，壽司枱旁更擺放大量日本清酒而且款式都非常之多。餐牌內有多款日式菜式選擇，刺身、壽司、燒肉樣樣都齊。而佢推介嘅重量級海膽丼、鱈場蟹丼亦都相當吸引。重量級海膽丼食海膽最重要嘅三點就係：新鮮、新鮮、同埋新鮮。因為如果唔新解嘅話賣相幾靚都係冇用。今次食呢個重量級海膽丼就真係好新鮮啦，除咗賣相精緻外，海膽亦鮮甜甘香，數量亦都幾多，目測海膽應該都超過一板，加上海膽下更有吞拿魚腩碎，加上珍珠米一齊食真係好幸福。鱈場蟹丼師傅非常細心將鱈場蟹剝成細絲，滿滿嘅蟹肉加上蟹膏、蟹籽，每一啖都有好濃郁嘅蟹味，齒頰留香。香蔥吞拿魚卷之後就同朋友叫咗香蔥吞拿魚卷，吞拿魚蓉魚香豐盛，加上卷物加了青瓜與香蔥，令吞拿魚卷帶一點清新感覺，多吃不膩。時令日本空運海產師傅會將當日最時令、新鮮嘅魚作刺身。而且只限星期一至四提供，事前可以