Video
Read full review
2019-04-08
325 views
今日約了老朋友食放題，據說呢間有鐵板燒，睇相覺得d食物好正，一早打左電話book枱，7：45pm入座食2個鐘。7點半去到有20幾人排梗隊，我地玩左陣夾公仔機，執好枱就可以入座了。夾公仔機10蚊一次，好難中。坐座有分3種，有普通位，卡位同對住廚師既鐵板燒爐既位。我地對住靚仔鐵板燒，發現呢間餐廳既廚師同侍應都係高顏值。客人u型咁圍住鐵板燒坐，一入座就有跟人頭既刺身拼盤提供。 有各種魚生，螺，帶子同蝦。隻蝦真係堅厚肉，蝦只係拼盤包一次，冇得另叫，記得唔好食左朋友隻蝦呀。見到靚仔廚師燒大蝦（我地想追加既蝦刺身但不成功時）同帶子，問佢係咪可以落order叫架？ 因為紙仔唔覺有。佢話係客人食唔哂d刺身所以幫佢燒熟黎食。原來果枱有8個人，餐廳一黎就跟人頭俾刺身拼盤，但果枱全部較年長唔多食生野，所以得一個後生食哂。我地見證佢每食一件就反一反白眼，佢又唔想浪費。勁搞笑。廚師好人幫手煮熟哂，咁佢地可以再齊share食。d大蝦同帶子熟左真係堅吸引架。 燒物： 菠蘿同雞脾菇羊架：肥瘦岩岩好，食左2件。炸物： 冇天婦羅，一律吉列炸。 吉列蝦同蠔。芝麻雞翼鐵板燒：蔥花牛，一口牛抄得有d老，有種係加左生蝦醬既牛好
7點半去到有20幾人排梗隊，我地玩左陣夾公仔機，執好枱就可以入座了。夾公仔機10蚊一次，好難中。
坐座有分3種，有普通位，卡位同對住廚師既鐵板燒爐既位。
我地對住靚仔鐵板燒，發現呢間餐廳既廚師同侍應都係高顏值。
客人u型咁圍住鐵板燒坐，一入座就有跟人頭既刺身拼盤提供。 有各種魚生，螺，帶子同蝦。隻蝦真係堅厚肉，蝦只係拼盤包一次，冇得另叫，記得唔好食左朋友隻蝦呀。
見到靚仔廚師燒大蝦（我地想追加既蝦刺身但不成功時）同帶子，問佢係咪可以落order叫架？ 因為紙仔唔覺有。佢話係客人食唔哂d刺身所以幫佢燒熟黎食。原來果枱有8個人，餐廳一黎就跟人頭俾刺身拼盤，但果枱全部較年長唔多食生野，所以得一個後生食哂。我地見證佢每食一件就反一反白眼，佢又唔想浪費。勁搞笑。廚師好人幫手煮熟哂，咁佢地可以再齊share食。d大蝦同帶子熟左真係堅吸引架。
燒物： 菠蘿同雞脾菇
羊架：肥瘦岩岩好，食左2件。
炸物： 冇天婦羅，一律吉列炸。 吉列蝦同蠔。
芝麻雞翼
鐵板燒：蔥花牛，一口牛抄得有d老，有種係加左生蝦醬既牛好正，鵝肝多士超級正。
飲品，試左士多啤梨汁，菠蘿汁同芒果汁。 菠蘿汁最正因為多果肉。士多啤梨汁偏甜。仲有啤酒都係正野。
雪糕： 冇quota, 唔駛爭，有任食哈根大師。
提提你，如果唔係同行個個都食刺身同有部份刺身唔食，一定要預先同侍應講聲呀。
Post
