OWLS Coffee (Closed)

經過職員簡介一下個餐牌，決定試吓佢用邪惡形容既竹炭熱狗。竹炭熱狗係用竹炭熱狗包先用鹹蛋肉鬆舖底放上法蘭克福腸再係上面加上是拉差蛋黃醬同炸蒜片。是拉差蛋黃醬有少少辣但又有少少甜，非常醒胃滋味；加埋脆卜卜既炸蒜片，好香口。我認為最驚喜係底層既鹹蛋肉鬆，估唔到同熱狗一齊食係咁夾。另外，個人認為可以煎一煎香法蘭克福腸同烘熱個包就更好喇。飲品就選擇左Dirty，而呢杯Dirty做到咖啡係奶既表面同埋玻璃杯邊慢慢滲透向下沉。飲落去先飲到熱熱既濃咖啡，酸苦味道均衡而且帶有少少甜味，再飲落去就飲到凍既鮮奶，咖啡同奶瞬間融合。