東海海鮮酒家 (Closed)

昨晚突然提早做節, 六個人就剛好叫個半席龍蝦餐, 份量唔少, 足夠六人食有餘。一上檯的是燒豬, 個個都說唔錯, 但個人覺得脆得來咬下是有點韌的, 與我喜萬年吃過的仍是差一級。龍蝦每人半雙, 尺碼都算見得人, 肉質爽口但鮮味欠奉, 用以伴龍蝦的麵與干燒伊麵相同, 但煮得算是最失色的一味, 腍淋的又沒半點火喉, 每人提了一筷就轉移了視線。肉絲竹笙翅, 味道唔錯, 但就好難搵到翅, 菜豆類香嫩清甜, 荷葉飯未送入口巳聞到清香荷葉味, 飯質入口煙韌, 這個飯確實做得不錯, 各成員都一致讚好。