恆發雞蛋仔 (Closed)

每次搭車經過，都見到一條5-6人既人龍，觀塘店位置較偏，想試好耐，今晚專登行去買😜😜恆發雞蛋仔除左賣小食，最觸目既當然係新鮮餡料雞蛋仔，分別有芋泥味（季節問題停售）,朱古力味，芝士味，紅豆味，芝麻味等😍😍想不到小時候食開既簡單既雞蛋仔，會變成咁多樣化除左童年回憶，多左一份新鮮感！等左約20分鐘，紫薯雞蛋仔整好了大大一底，店員將熱騰騰既雞蛋仔放入精美的桃紅色紙袋，我滿足的接住雞蛋仔，仿佛回到小時候一樣，但身旁已換了是男朋友而不是媽媽。雞蛋仔同回憶中既味道一樣，脆脆既外皮，內裡既雞蛋仔軟軟林林，不同既係新款雞蛋仔加入滿滿既紫薯泥，紫薯無添加糖／牛油，就是一種實實在在既口感。忍唔住食左幾口，其餘決定留返返屋企同媽媽，弟弟一起分享唔知佢地仲記唔記得小時候既時光？