Video
Read full review
2017-11-30
58 views
荃灣西原來已經進化到有咁多咁靚嘅酒吧餐廳，平時太少入嚟荃灣區，今日就當自己大鄉里出城享受Happy Monday。呢度環境真係好好，昏而不暗，靜而不寂，無論兩個人定一大班朋友都好適合嚟。同朋友各自叫咗一個Main Course，加$50就可以轉做Set Menu，有齊沙律，湯，餐包，飲品同甜品。沙律菜因為淋上黑醋嘅關係變得好fresh，去卻咗菜本身嘅臭青味，而且有啲好特別嘅芝士粒。湯好足料，好厚身估計用上大量薯仔同磨姑blend開先有咁綿密嘅效果。餐包一啲都唔姑寒，提供咗幾個不同款式，另上橄欖油同黑醋。先來第一個Main Course德國豬手：侍應哥哥好識做會問咗要唔要影相先，影完佢地先拎返入廚房比師傅切開。豬手好多骨膠原，外層好煙韌，內裡都好嫩滑，唔太過油亦都唔會過咸；份量唔話得，因為真係好大份，兩個人分都食唔曬。第二個Main Course威靈頓三文魚扒：所謂威靈頓三文魚扒即是焗酥皮三文魚卷。酥皮無因為三文魚嘅水份而變腍，亦有好香嘅牛油味。三文魚口味比較濃，我諗因為酥皮本身都係麵粉味同牛油香，夾埋一齊食反而啱啱好。不過我上網睇威靈頓三文魚扒係有菠菜，呢度就無放菠菜，我建議要加返，因
同朋友各自叫咗一個Main Course，加$50就可以轉做Set Menu，有齊沙律，湯，餐包，飲品同甜品。沙律菜因為淋上黑醋嘅關係變得好fresh，去卻咗菜本身嘅臭青味，而且有啲好特別嘅芝士粒。湯好足料，好厚身估計用上大量薯仔同磨姑blend開先有咁綿密嘅效果。餐包一啲都唔姑寒，提供咗幾個不同款式，另上橄欖油同黑醋。
先來第一個Main Course德國豬手：侍應哥哥好識做會問咗要唔要影相先，影完佢地先拎返入廚房比師傅切開。豬手好多骨膠原，外層好煙韌，內裡都好嫩滑，唔太過油亦都唔會過咸；份量唔話得，因為真係好大份，兩個人分都食唔曬。
第二個Main Course威靈頓三文魚扒：所謂威靈頓三文魚扒即是焗酥皮三文魚卷。酥皮無因為三文魚嘅水份而變腍，亦有好香嘅牛油味。三文魚口味比較濃，我諗因為酥皮本身都係麵粉味同牛油香，夾埋一齊食反而啱啱好。不過我上網睇威靈頓三文魚扒係有菠菜，呢度就無放菠菜，我建議要加返，因為有菠菜可以去咗三文魚嘅油膩！
飲品除咗普遍可以飲到嘅茶同咖啡之後，都有好多specialty drinks，今次叫咗個Mojito Mocktail，友人就叫咗個Macchiato，好飲就好飲，不過下次一定要叫返啲cocktail，因為見到隔離台叫嘅cocktail present得好靚，影相一流！
總結呢間餐廳為呢個舊區加上咗一份年青休閒嘅感覺，會令我想繼續發掘呢區嘅餐廳！
Post
