名物：
* 薄炙牛𦟌
* 薄切上等牛舌
* 厚切牛舌
* 熟成壺漬牛肋肉 (燒肉味噌醬)
重點要讚牛舌！質素一直好穩，而家呢個價錢比起之前平咗唔少，食起上嚟更無負擔。
餐廳依然用QR code落單，上菜速度好快，一次可以揀八款；抽風系統超勁，食完唔會成身燒肉味，仲可以去自助吧拎小食同沙律，選擇夠晒多元。
燒肉期間，店員會定時幫手換烤網，服務好貼心，120分鐘任食時間亦好充足。飲品方面，汽水、冷泡茶樣樣齊，仲有雪糕批、cheese cake等甜品，食完實會撐到好满足！
尤其推薦試薄燒上等牛舌芯，火候比起厚切更好控制，口感超嫩；仲有薄熟成壺漬牛肋肉，肉汁滿滿又夠香，配埋紫菜飯一口落肚超幸福，食完實會想encore～
今次新套餐雖然冇包「任食刺身」，但想補嘢食都好靈活——可以額外加配刺身，價錢亦都唔貴，鐘意食刺身嘅朋友都唔使怕冇得
