海悅

Open Now

Now Closed

新年長假期去青衣探叔叔，叔叔話附近商場開咗一間細細哋嘅新酒樓可以一齊飲下午茶傾下計。酒樓除咗可以用點心紙點餐仲可以search qr code點餐，暫時我都未見過。雖然細細間不過點心唔錯幾好食。蝦餃都幾大粒，蝦肉爽口。燒賣都唔錯呀。金沙流沙包，流沙效果做得唔錯，如果重啲鹹蛋黃味會更好。海皇脆皮紅米腸，呢個腸粉好味呀，裏面有蝦肉㗎。蛋散係必點，不過有啲位硬硬哋。鮮茄肉片湯烏冬，烏冬有啲硬。乾炒牛河有啲油，可接受範圍，味道可以。