上海老家 (Closed)

位於大角咀嘅呢間上海店叫做「上海老家」，搭港鐵最近係奧運站落車，行過黎大約5-8分鐘，都算方便，而且呢一帶附近都有好多食肆，好多選擇。店外牌坊用上深木色，配上金色嘅手寫字型，再加埋個大紅燈籠，都幾有中國色彩。主要點左兩個主菜，第一個係雲吞雞，呢個好足料，有旺菜，金華火腿，雞煮得好淋，一撕就開，雲吞感覺似係自己包嘅，飲埋淡湯，好清甜。第二個主菜就係酸菜魚喇，我地簡左小辣，以唔食得辣嘅我黎講，都算有啲辣😆另外再加左薯粉，不過份量唔算多。酸酸味味咁都好開胃～最後叫左上海菜必點嘅：高力豆沙即叫即製，好新鮮😋😋室內環境，以木色為主。