晴朗吧 (Closed)

12月忽然秋涼的天氣, 好想燒下野食。 難得今日有假, 天氣又啱, 就同朋友即興燒野食。 朋友話知唔知旺角原來有地方BBQ, 就即刻帶我黎見識下。 竟然真係係鬧市中心, 有個天台BBQ場。 地方細細, 但都環境唔錯。 燒烤任食任飲, 仲有好有禮貌員工幫我地開爐, 燒埋, 真係好正。 見佢開爐已好有趣, 佢話係新式日式炭, 比較易控制同好燒。 一磚磚炭好新奇, 真係好快著。 佢地既肉係特別訂製, 唔會有一般既黑椒、南乳口味, 而係一包包真空包裝醃製, 好新鮮安全。 有印度風味雞翼, 豬頸肉; 日式雞翼, 魷魚; 豬脾仔, 金沙骨, 牛排。 可惜, 今晚羊架同蔬菜賣晒。 不過不得不說, 個火真係燒得唔錯, 野食唔會話燒到好易燶, 而食物又好好味, 唔會好似出面既咁求其, 特別係佢既魷魚同豬頸肉真係好爽口。 感覺真係比一般既燒烤場抵食。 下次一定要多d人再黎過。