入到去已經見到幾個爐頭，店員好好服務提供左圍裙畀我地，唔駛擔心D油彈晒出黎整污糟件衫。
一口氣點了多款牛肉，在等待期間看一看調味了，發覺有多款特色醬油，而且調味牛肉的鹽也有多款，最最特別是他們的辣椒調味粉有分為普通辣、十萬度辣，以及100萬度辣。嗜辣的我，當然會試100萬度辣。
美食上場了，首先是牛胸爽及牛舌
牛胸爽烤好油香四溢，入口牛味充斥口內，而牛舌則本身肉有口感，可惜是牛舌太薄，沒有細味品嚐肉質。
阿久根有牛肉定食，五片胸腹肉加一飯一味噌湯，只需98元，很實惠，而且牛胸腹似油脂極多，烤完後入口非常嫩滑，實在是非常超值。
和牛怎可以沒有A5級，點了一份A4及A5的西冷，一烤便火光大作，因為油脂太強，成個爐立即火光烘烘，證明油脂絕對頂級，入口都感到和牛的嫩滑及油脂超多。
價錢方面，一片35元的A5實在不算太貴，出面一份拖羅壽司都唔只呢個價啦，我覺得食和牛抵得多。
之後係其他部位，肩胛、肋位同前胸等，呢幾個部份比較少油脂，主要食個肉味，煎時記得唔好煎太老，否則就食唔到果種嫩滑感
肩胛比較大片，但比起西冷又韌左少少，反而前胸肉幾嫩，油又唔多，可以食到幾滑既牛味。
食番胸腹肉位，我發覺呢個部位係非常之油份多，而且嫩得黎就算煎得over左都仍然好腍，如果想平食多幾塊，我個人推薦主打胸腹位置。而定食既胸腹肉都一樣咁靚，唔會想為你叫定食就畀差肉你，個沙律好多芝麻醬，而飯底係加左鰹魚粉調味，就算淨食飯都好好食。
翠肉瓜真係原來好適合做燒烤食物，烤到乾身後食，好似食緊薯片咁，而車厘茄燒一燒就食得，又係抵而好食既野，燒菠蘿當然係燒烤首選，燒完之後入口極清甜，用黎解油賺佳品。
最後介紹下非牛肉既肉類，雞肉好好食，燒熟少少都係好腍好滑好多汁，但墨魚嘴就蝦人燒啦，初初燒左5分鐘都唔知熟未，一入口就發覺內裡仲係生既，結果又要燒多幾分鐘先食得，如果有興趣試既朋友，最好一早就放上爐燒啦。
最後講番個辣油，食得辣既朋友可以試下十萬度辣粉先，頂得順先試100萬度辣油，因為真係好辣，已經食得好辣既我都辣到唔係太頂得順，好在店內有自動售賣機買野飲。
