店員十分有禮，服務周到。
食物選擇基本上都有，但總類不及飲品咁多。
台式魯肉飯
開頭覺得細碗，台灣食過14蚊一碗。但香港價錢又點可以同台灣比呢？ 同埋食落因為多豬所以好飽架。
四寶牛肉麵
料靚，味道足。問店員拎左辣椒醬好正。麵份量十分多，牛肉同牛肚好好食。
松露粟米蛋卷
好香，好棉，有台灣既感覺。
鹽穌雞
有兩種個醬，雞塊炸得香脆，入面唔乾。
外婆麻糬
可揀芝麻同花生味，我地選擇了花生。原來麻糬係凍凍地既。好q, 好軟。
芋泥牛奶
望落細杯，飲落口感好正。覺得好有水準。
菠蘿梳打
呢個勁大杯，菠蘿粒都幾多。
珍珠奶茶
易入口，值得叫。
總結
服務好，食物有水準，店內播周董既歌好正。
