スーパー丼 (駱克道) (Closed)

在銅鑼灣新開張的人氣super don，有別於一般只賣刺身飯的餐廳，丼飯選擇多元化，有生有熟，最重要係款款都高質。今次嚟到就想試吓三色吞拿魚飯同燒鵝肝飯。鋪頭細細，但座位都算闊落，餐廳裝潢簡約光猛。跟餐有面豉湯同蟹肉沙律，沙律菜從雪櫃裏拿出來，很冰凍。灑點醋在沙律上調味，有開胃作用。面豉湯內有很多香蔥腐皮海帶，面豉味香濃，是暖肚佳品。一見到燒鵝肝飯已經雙眼發光，因為第二度真係冇見過！其實佢仲有另一款推介，香蔥A5和牛卷丼，不過要我喺和牛同鵝肝之間取捨，當然係揀鵝肝啦！鵝肝份量比想像中要多，厚切鵝肝表面份外香脆，中間軟心夾層，還呈粉紅色，燒汁帶少許甜，配飯可中和油膩感，很搭配！珍珠米顆顆分明，煙韌有嚼勁，連我不喜嗅米氣的都把飯吃光光。三色吞拿魚丼也很妙，伴有漬物黃瓜、牛蒡和蒜頭，有我最愛的吞拿魚蓉、吞拿魚和拖羅。大拖羅油份爆燈，油脂香味滲滿口。吞拿魚蓉夾雜香蔥撈飯吃，最有風味。刺身夠新鮮，賣相精緻，值得一讚。當然不少得來一個燒雞泡魚干的小吃，燒焦程度剛好，魚味香又不乾。吃飽真是大滿足！