Cafe Corridor (Closed)

2013年頭1日，開開心心諗住殺中環某cafe，但人地包咗場，去到老闆話唔好意思，隨即轉戰銅鑼灣，本身諗住去另一間心水cafe，但係都係太多人去唔成，最後就去咗Cafe Corridor。好耐之前都已經想去，之前見過小儀介紹過，人近地鐵站。穿一條隧道，從熱鬧多人既銅鑼灣去到一個好舒服既cafe，好似穿越時間隧道一樣，正如個名(Corridor)。Cafe都有唔少人，我當然快d去坐低啦。Cafe既環境好有濃厚既藝術格局，牆上又唔少圖畫，令到成個cafe變得high class咗，完全唔覺置身響銅鑼灣呢個鬧市入面。睇咗一睇，又未食野，叫個All Day Breakfast食。好快就有得食喇!!有腸仔、蛋、麥包、生菜同薯餅。記得之前響九龍某處食，相比起，呢度既All Day Breakfast好食好多，當然，麵包夠暖，用既橄欖油唔肥膩，蛋就比較易碎，薯餅就比起某連所店唔夠熱，麵包再熱d會更加，總括黎講，其實都叫ok。另外，飲品我揀咗Latte Macchiato，可能比較淡，唔駛糖都ok(應該可以澴d)，越食得耐人越多，亦唔好意思坐咁耐，始終地方唔係太大。