1
一入門口沿樓梯上已經係昭和風既裝潢，充滿霓虹燈、日式燈籠、日式海報、雜誌等懷舊佈置，睇得出餐廳係裝修佈置上花咗唔小心思!👍🏻
店內位置都好闊落，仲有部份係榻榻米座位，坐得舒適又岩打卡，感覺好似去咗日本！
黎到重點食物，每一款都好有驚喜，整體好滿意!😋😋
刺身點咗➡️"五雕刺身盛合"，有三文魚、甜蝦、油甘魚、大拖羅、帶子等刺身，全部都好新鮮! 肉質厚實，脂肪分佈均勻，食落好鮮甜👍🏻
➡️"三文魚層層疊" 係必點，好岩打卡，店員會即時炙燒三文魚，三文魚係切成條狀，每條都好厚實，配上沙律醬和芝士，仲可以撈埋蔥、蟹子令口感更豐富!🤩
仲點咗係居酒屋比較少見的➡️”牛油果山葵漬"，估唔到牛油果都可以咁配搭!😮
牛油果嘅口感又綿密又軟滑，特別是山葵嘅辣味可以中和牛油果嘅軟綿感，配上微微酸醋香，感覺清新爽口又開胃!👍🏻
➡️”蟹味噌甲羅燒"，蟹殼裡充滿蟹膏，一入口啖啖蟹肉嘅鮮甜，加配薄餅食一流!
串燒方面點咗➡️"蒜燒厚切牛舌芯、雞翼"，2款都燒得岩岩好，牛舌芯好彈牙，雞翼juicy皮脆~
另外➡️"黑醋鵝肝多士"，多士外層嘅酥脆，配搭上濃郁滑幼嘅鵝肝，加上微微酸甜嘅黑醋醬汁，整體口感層次豐富，鹹香鮮甜酸齊備，完全唔會有一絲膩感~👍🏻
煮物點咗➡️"清酒煮白蛤鍋"，白蛤幾新鮮，再加入濃濃嘅清酒香味，配搭好夾~
飲品嘅➡️"菠蘿梳打"好大杯, 仲有大大塊的冰菠蘿，味道好出又消暑!
呢間餐廳好岩同朋友黎聚會同飲野，要加入回訪list先得!🤩🤫
🔹五雕刺身盛合 ($338)
🔸三文魚層層疊 ($138)
🔹牛油果山葵漬 ($68)
🔸蟹味噌甲羅燒 ($78)
🔹蒜燒厚切牛舌芯 ($48)
🔸雞翼 ($32)
🔹黑醋鵝肝多士 ($88)
🔸清酒煮白蛤鍋 ($108)
🔹梅酒-加冰 ($48)
🔸菠蘿梳打 ($58)
1
