九份•十分 (河畔花園) (Closed)

一直唔知道原來沙田河畔邊旁有間裝修不錯嘅台灣食店，今次決定同都住附近嘅朋友試下。店內嘅空間都幾大，座位較寬敞，坐得好舒服，好適合同朋友嚟吹水hea下 特別想講下佢地嘅甜品，首先佢地特登改到d名好搞笑，例如台妹愛遇，冰粉美人，同花美男遇見等等，好有趣。於是我地就試咗個台妹愛遇，有芋圓、地瓜圓、涼粉等等係入面，係常見嘅台式甜品。芋圓同地瓜圓都好煙韌彈牙，有咬勁，糖水嘅甜度適中，食完都唔會太甜或太滯。另一個甜品係芋圓珍珠雙色冰淇淋，賣相好吸引，有芋圓、水果、waffle、珍珠、同雪糕，所以份量係好多，建議同朋友share。waffle唔會過硬，脆得嚟入面軟軟地，配埋唔同口感嘅芋圓或珍珠等一齊食，可以試到好多新奇嘅配搭。