半島宴會廳阿翁火鍋館

Open Now

Now Closed

早幾日同老公行元朗Yoho，睇咗好多間食肆都唔太啱心水，老公跟住話想打邊爐仲要係港式嗰隻，跟住就搜尋商場附近就發現有間半島漁港係任食打邊爐仲要係無限時😁，跟住我地就行咗6-7分鐘到就去到呢間半島漁港，上到去店員安排我地入坐，現場環境裝修金碧輝煌乾淨又企理，好有以前高貴酒樓嘅格局👍🏻，喺呢度任食火鍋價錢係$268一位加一，我地先落左個姬松茸雜菌鍋底，跟住食物陸續送上，嚟咗個至尊餃王、刺身拼盤(有三文魚、帶子、甜蝦、墨魚)、雞蓉燴燕窩、海鮮拼盤( 有大蝦、生蠔、龍躉件、扇貝同青口)、阿翁極級牛頸脊(細)，真係淨係食以上呢啲已經足以回本而且質素仲要好高👍🏻👍🏻👍🏻👍🏻，特別要講牛頸脊真係頂級，剩睇雪花紋理同色澤已冇得輸，食落有牛味又好淋滑，我老公差唔多成碟食哂，另外仲有啲單點嘅火鍋配料有脆鯇片、白鱔片、四寶丸同黑豚肉，出面仲有兩個大雪櫃有一啲火鍋嘅食材譬如，丸類、蔬菜、烏冬、炸魚皮同鵝腸等等，同埋一個飲品櫃選擇都幾多啤酒汽水樣樣有，呢度侍應都好好服務，時常都會嚟加湯同埋換碟，食物新鮮之餘質素又高，所以下次行開呢頭要打邊爐一定揀呢間，另外現場廚房嘅櫥窗見到好多燒味同燒鵝睇見都流哂口水，有機會會