倚窗閣

Open Now

Now Closed

今日同朋友團年，一心想食生蠔，所以選了倚窗閣，生蠔有3個品種，愛爾蘭，法國，紐西蘭，估不到3款水準不太好，蠔開好了才放出來，還限每次取2隻，每款取2隻排3次，食落無海水味，落檸檬汁蠔邊無反應，証明無生命迹象，而且不肥美，又細隻，真的失望。不過凍蝦，長腳蟹，青口，水準唔錯，爽口大隻，長腳蟹有蟹味，另外我比較欣賞刺身有鮮帶子，好大隻好厚，白吞拿都係貴價食物。 酒店現時推出時令菜式，有米乳豬好多人排，呢款好適合長輩食，師傅會幫你分件俾你，鵝肝多士的鵝肝煎得甘香，雪梨鱷魚肉燉湯都值得排隊，係冬天潤一潤，燒牛筋骨，牛約5成熟好濃牛味，令人滿意！仲有一款燕窩燒雞卷覺得幾有心思，見到一條條燕窩上面，食落矝貴。今次發現熟食比較高水準，甜品有梳乎厘，燉蛋白，很多小件cake, 小杯的甜品，班cake, 貴價D字和M字雪糕都有，仲有個蜂巢係到，吸晴指數極高，由蜂巢流出來蜜糖，淋在蛋糕上品嘗，蛋糕有原味和朱古力味2款選擇。食物大眾化，一家大細都啱食，用左openrice coupon 有8折